Comisiwn y Cynulliad |
Lleoliad: |
Swyddfa’r Llywydd, 4ydd llawr - Tŷ Hywel |
|
|
|||
Dyddiad: |
Dydd Iau, 5 Mawrth 2015 |
|
||||
Amser: |
13.00 - 14.00 |
|
||||
|
||||||
|
||||||
Cofnodion: AC(4)2015(4) |
||||||
|
|
|
||||
Aelodau’r Comisiwn: |
|
Y Fonesig Rosemary Butler AC (Cadeirydd) Peter Black AC Sandy Mewies AC Rhodri Glyn Thomas AC |
||||
|
|
|||||
|
|
|
||||
Swyddogion yn bresennol: |
|
Claire Clancy, Prif Weithredwr a Chlerc Craig Stephenson, Cyfarwyddwr Dros Dro Gwasanaethau’r Comisiwn Dave Tosh, Cyfarwyddwr Adnoddau Sulafa Thomas, Pennaeth Ysgrifenyddiaeth y Comisiwn
|
||||
|
|
|||||
|
|
|
||||
Eraill yn bresennol: |
|
Mair Barnes, Cynghorwr Annibynnol
|
||||
|
|
|||||
1 Cyflwyniad
1.1 Cyflwyniad ac ymddiheuriadau
Roedd Angela Burns AC a David Melding AC wedi anfon eu hymddiheuriadau.
1.2 Datganiadau o fuddiant
Ni chafwyd datganiadau o fuddiant.
1.3 Cofnodion y cyfarfod blaenorol
Cytunodd y Pwyllgor ar gofnodion y cyfarfod a gynhaliwyd ar 9 Chwefror.
2 Y wybodaeth ddiweddaraf am ddiogelwch
Rhoddodd Dave Tosh y wybodaeth ddiweddaraf am ddiogelwch gan gyfeirio at gwmpas y briff mwy sylweddol ym mis Ebrill.
3 Newidiadau TGCh yn y dyfodol - adnewyddu TGCh y Siambr a’r system ffonau
Trafododd y Comisiwn gynlluniau i ddiweddaru’r dechnoleg yn y Siambr. Trafododd bapur a oedd yn nodi’r risgiau a godwyd mewn perthynas â chyflwyno prosiect i adnewyddu TGCh yn y Siambr. Roedd yn rhoi manylion i’r Comisiwn am bryderon ynghylch perfformiad y cyflenwyr caledwedd gan gynnig ffordd ymlaen.
Cytunodd y Comisiynwyr i friffio grwpiau’r pleidiau yr wythnos nesaf.
Trafododd y Comisiynwyr y risgiau a nodwyd a’r angen i sicrhau bod gan y Comisiwn berthnasau da â’r cyflenwyr sy’n cefnogi ein systemau critigol. Cytunodd y Comisiwn i ohirio gweithredu’r prosiect tan 2016.
Rhoddodd Dave Tosh y wybodaeth ddiweddaraf am y prosiect teleffoni. Cadarnhaodd y canlynol:
Croesawodd y Comisiynwyr y wybodaeth ddiweddaraf gan bwysleisio bod angen atgoffa’n rheolaidd am y newid.
4 Pontio i’r Pumed Cynulliad
Cafodd y Comisiynwyr bapur a oedd yn darparu gwybodaeth am gynllunio ar gyfer diddymu’r Pedwerydd Cynulliad a phontio i’r Pumed Cynulliad.
Cadarnhaodd y Comisiynwyr mai eu dull o ran trefniadau i ddiddymu’r Cynulliad fydd sicrhau bod eu staff yn cael gwybodaeth lawn a chynnar i’w galluogi i gynllunio ar gyfer y diddymiad a bod yr Aelodau hynny sy’n rhoi’r gorau iddi yn cael cymorth i’w galluogi i ddirwyn eu gwaith yn y Cynulliad i ben. Teimlodd y Comisiynwyr y byddai’n ddefnyddiol gweithio drwy Grwpiau i gyfathrebu ag Aelodau ac awgrymwyd cynnal sesiynau gyda Grwpiau maes o law.
Pan gaiff y Cynulliad ei ddiddymu, bydd Aelodau yn dychwelyd i fod yn aelodau o’r cyhoedd ar unwaith ac yn colli pob braint sy’n gysylltiedig â bod yn Aelod Cynulliad. Bydd hyn, felly, yn cynnwys cyfyngiadau ar ddefnydd cyn-Aelodau o adnoddau’r Cynulliad yn ystod y cyfnod diddymu.
Roedd Comisiynwyr yn teimlo bod angen ystyried y mater o faint o Aelodau sydd eu hangen i wneud Grŵp yn ystod y Pedwerydd Cynulliad.
Bydd y Comisiwn yn gwneud penderfyniadau penodol yn hwyrach yn 2015, a bydd pecyn y Bwrdd Taliadau o benderfyniadau o ran cydnabyddiaeth a chymorth ariannol yr Aelodau yn y Pumed Cynulliad yn cael ei gadarnhau erbyn mis Mai 2015.
5 Diweddariad a Chofnodion y Pwyllgor Archwilio a Sicrwydd Risg - 9 Chwefror 2015
Rhoddodd Claire Clancy grynodeb o gyfarfod Pwyllgor Archwilio a Sicrwydd Risg Comisiwn y Cynulliad a gynhaliwyd ar 9 Chwefror, sef cyfarfod diwethaf y Pwyllgor hwnnw cyn diwedd y flwyddyn ariannol.
Roedd Cadeirydd y Pwyllgor yn gallu cadarnhau bod yr holl bwyntiau gweithredu archwilio a oedd yn weddill wedi cael eu cwblhau cyn diwedd y flwyddyn ariannol, ac edrychodd y Pwyllgor ymlaen at y gweithgarwch dros y flwyddyn nesaf.
Croesawodd Comisiynwyr y gwaith a wnaed gan nodi cofnodion y cyfarfod yn ffurfiol.
6 Unrhyw fater arall
Diolchodd y Llywydd i’r Comisiynwyr a staff y Comisiwn am y gwaith a wnaed yn y cyfnod cyn datganiad yr Ysgrifennydd Gwladol a oedd yn cyhoeddi cytundeb Dydd Gŵyl Dewi ar ddyfodol datganoli yng Nghymru. Nododd fod y cyflwyniadau manwl a gyflwynwyd i’r Ysgrifennydd Gwladol, ac adroddiad y Comisiwn ar gapasiti, wedi gwneud gwahaniaeth go iawn.
Hefyd, dywedodd y Llywydd wrth y Comisiynwyr, gan fod Angela Burns yn wynebu absenoldeb estynedig, y byddai David Melding yn ymgymryd â’i chyfrifoldebau fel Comisiynydd tra’i bod yn absennol.
Tynnodd Claire Clancy sylw at ymgynghoriad y Bwrdd Taliadau, a fyddai’n cael ei gyhoeddi y diwrnod canlynol, a dywedodd wrth y Comisiynwyr fod y Pwyllgor Cyllid wedi adrodd ar y gyllideb atodol.
Bydd y Comisiwn yn cyfarfod nesaf ddydd Iau 23 Ebrill 2015, pan fydd y Comisiynwyr yn ystyried y Strategaeth Gyllideb ar gyfer 2016-17 ac yn cael briff diogelwch llawn.